Java nis te Botimet ADA me librin e saj më të fundit
Titulli: Ditë e re
Autori: Gazmend Kishta
Redaktor: Niku Ramollari
Korrektore: Albana
Recent: Sokol Jeshili
Kopertina: Egla Kishta
Botimi i parë: 2023
Formati : 14x20cm
Të gjitha të drejtat i takojnë autorit
Shtëpia botuese “ADA”
Adresa: Rr. Mihal Grameno Pall.32 Ap. 7
www. botimetada.com
Cel: 068 22 190 16
Tiranë, mars 2023
CIP Katalogimi në botim BK Tiranë
Kishta, Gazmend
Ditë e re : poezi / Gazmend
Kishta ; red. Niku Ramollari.
– Tiranë : Ada, 2023
76 f. ; 20 cm.
ISBN 978-9928-398-14-7
1.Letërsia shqipe 2.Poezia
821.18 -1
PARATHËNIE
Ky vëllim poetik, qysh në titullin e poezisë së parë, duket se e ka ndarë qëllimin e mirë me ty si lexues: le të jemi bashkë. Ndonëse vargjet nën titullimin “Vetminë s’e dua”, kanë gjetur motiv për të udhëtuar me metafora dhe krahasime në objekte të treta, të prekshme, ajo që janë në gjendje të stimulojnë te ti si lexues, bëhet aty për aty shpirtërore dhe i ngjet një ftese për të qëndruar bashkë, për t’u qasur shpirtrash. Natyrshëm, nëse u bindesh atyre dhe përvijon prekjen e fletëve në shfletim, gjendesh i përfshirë brenda një emocioni krahëlehtë: si flutur. Në ritmin e rregullt të vargjeve dhe ëmbëlsinë e rimës, edhe pasi e ke tejkaluar poezinë “Ëndërrime”, je gati të ndihesh si ëndërrimtar i zënë rob nga vargu që të përket edhe ty, teksa në hartën e librit has në “vende” që i ke shkelur. Do të ballafaqohesh me vargjet për nënën dhe do të të kujtohet shija e byrekut të bërë nga duart e saj; do të të rrjedhin lot për babanë dhe loti yt, do t’i ngjajë një pike vese, që mbush një oqean kujtimesh. Do të gjesh në këtë libër vajzën me sytë e bukur, e cila i paskësh si ajo që të ka mbetur në mendje dikur, diku! Dhe do përjetosh dehje si ajo e vargjeve: “Si kaçurrelat e tua nga supet, verën e kuqe rrëkëllej… Hyj mes faqesh puhizë ere, dehur kaçurrelash vere”. Do të gjesh këtu gjuhën e fabulës, efektin magjik të rrezeve të agimeve, lutjet dhe dashuritë, mall emigranti dhe do ngjitesh yjeve – mes tyre, për të parë ç’të mundësojnë lartësitë.
Me një arkitekturë elegante, me kufij që njohin limite dhe nuk synojnë tepri, me metafora të këndshme, që i qëndrojnë pranë kuptimit të parë të fjalës, poeti ka prezantuar një iniciativë që e justifikon botimin e parë dhe krijon pritshmëri për më tej.
Jeta njerëzore brenda faqeve të këtij libri paraqitet me karakteristika të natyrshme dhe me episode që identifikohen si të zakonshme brenda saj, prezantimi me vargje i të cilave, ka rezultuar një sfidë e realizuar mirë nga ana e poetit.
Av. Sokol Jeshili
