… Pa këngë, shpirti i njeriut është copë e çikë …
Letra mbeti përmbi valë – Poezi
Autor: Polo Çipa
Redaktor: Iliaz Bobaj
Kopertina: Mihal Cipa
ISBN: 978-9928-823-04-5
Të gjitha të drejtat i takojnë autorit
Përgatiti për botim: Roland Lushi
Shtëpia botuese “ADA”
Adresa: Rr. Mihal Grameno Pall.32 Ap. 7
www. botimetada.com
Cel: 068 22 190 16
Tiranë, 2024
CIP Katalogimi në botim BK Tiranë
Çipa, Polo
Letra mbeti përmbi valë :
poezi / Polo Çipa ; red. Iliaz Bobaj.
– Tiranë : Ada, 2024.
128 f. ; 20 cm.
ISBN: 978-9928-823-04-5
1.Letërsia shqipe 2.Poezia
821.18 -1
NË VEND TË PARATHËNIES
KUR TË NISESH PËR NË PILUR…
Kur të nisesh për në Pilur,
duhet të përgatitesh mirë:
të mbushësh kraharorin,
me këngët e florinjta polifonike të Bregut
dhe buza të jetë e çelur si buza e burimit,
për të këngëzuar ujin e kristaltë të këngës.
Pa këngë mos u nis,
nuk do të hysh dot në kufijtë e asaj legjende,
që këngën e ka frymëmarrje shpirti.
Do të të dalë përpara Lefter Çipa,
do të të thotë:
-Këtu jetojnë pasunarët e këngës,
një varfanjak si ti,
nuk mund të futet në këtë mbretëri,
të rrethuar me muret e larta të isos.
Pa këngë, shpirti i njeriut është copë e çikë,
do të ndjehesh i plagosur, keq e mos më keq…
* * *
Kur të nisesh për në Pilur,
duhen përgatitje të mëdha,
për mjeshtërinë e këngëzimit:
lodhje, mundime, ditë dhe netë pa gjumë…
Ndryshe, mos guxo ta marrësh atë udhë…!
ILIAZ BOBAJ, Pilur, 10.8.2022
