…Koha rrjedh dhe s’ndalon, ashtu edhe dashuria vazhdon të jetojë e të marrë udhë te ndjenjat tona, në të cilën kërkojmë gjithmonë fundin, por s’e gjejmë dot. “Në të mungofsha, dil jashtë, ndize një qiri, me bulëza vese, njome shaminë dhe shuaje etjen!”…
Titulli: Me hënën të puthem
Autor: Agron Dragoti
Redaktor letrar: Alma Pire
Botimi i parë, 2021
Tirazhi: 300 kopje
ISBN: 978-9928-326-74-4
Përgatiti për botim: Roland Lushi
Formati : 14x20cm
Të gjitha të drejtat i takojnë autorit
Shtëpia botuese “ADA”
Adresa: Rr. Mihal Grameno Pall.32 Ap. 7
www. botimetada.com
Cel: 068 22 190 16
Tiranë, maj 2021
Shtypur në shtypshkronjën e shtëpisë botuese ADA
CIP Katalogimi në botim BK Tiranë
Dragoti, Agron
Me hënën të puthem : poezi / Agron Dragoti
red. Alma Pire. – Tiranë : Ada, 2021
96 f. ; 20 cm.
ISBN 978-9928-326-74-4
1.Letërsia shqipe 2.Poezia
821.18 -1
Rreth librit
Çfarë mund të gjeni në këtë përmbledhje poezish? Mund të gjeni gjithçka, fjalë që shkojnë përtej poezisë, përtej imagjinatës;
“Me hënën të puthem, oh, të çmallem. “O hënë, ti nusja e qiellit, kalo këtej nga dritarja ime, grisi këto të mallkuara perde, errësira po ma merr frymën.”
Një dashuri të madhe do ta gjeni patjetër, por është një dashuri ndryshe, një dashuri për vendin, një tokë e braktisur për shkaqe kryesore, ndjenja mizore që kanë gërvishtur shpirtin dhe zemrën; “Të kanë zhveshur, të kanë lënë lakuriq, ujqër të uritur të pashpirt, në degë të lisit ta kanë varur vellon dhe, si një grua e përdalë, ta bëjnë me gisht”
Koha rrjedh dhe s’ndalon, ashtu edhe dashuria vazhdon të jetojë e të marrë udhë te ndjenjat tona, në të cilën kërkojmë gjithmonë fundin, por s’e gjejmë dot. “Në të mungofsha, dil jashtë, ndize një qiri, me bulëza vese, njome shaminë dhe shuaje etjen!” Janë çaste, e kaluara prapë rikthehet, edhe pse e hidhur e plot konflikte. Por, mbi të gjitha është lirizmi që të çon deri në fund, në një lloj magjie letrare që tejkalon çdo përmasë, në një harmoni që më pas shndërrohet në muzikë dhe më gjerë.
“Këndoni ju poetë! Dashurisë i këndoni! Kush më mirë se ju do t’i këndojë?” Është dashuria ajo që mbizotëron më shumë se çdo gjë, përtej gjithçkaje; dashuria për jetën, për të tashmen, për ditët që do të vijnë, shtrirjet harmonike të dashurisë dhe ndjenjave më fisnike që në çdo çast të skaliten në shpirt.
“I kam shijuar të gjitha pijet e jetës, kjo e dashurisë asnjëherë s’më ka mjaftuar,
kur të vdes varrosmëni pranë një burimi… Edhe i vdekur, do të kem shumë etje”.
Lexim të këndshëm!
Agron Dragoti