Java fillon me një botim të ri te shtëpia botuese ADA
Titulli: Do dashuroj sa pa perënduar
Autore: Rajmonda Ndreko
Redaktor: Niku Ramollari
Të gjitha të drejtat i takojnë autores
Botimi i parë: 2022
Formati : 14x20cm
Përgatiti për botim: Roland Lushi
Shtëpia botuese “ADA”
Adresa: Rr. Mihal Grameno Pall.32 Ap. 7
www. botimetada.com
Cel: 068 22 190 16
Tiranë, shtator 2022
Shtypur në shtypshkronjën e shtëpisë botuese ADA
CIP Katalogimi në botim BK Tiranë
Ndreko, Rajmonda
Do dashuroj sa pa perënduar : poezi /
Rajmonda Ndreka ;
red. Niku Ramollari– Tiranë : Ada, 2022
108 f. ; 20 cm.
ISBN 978-9928-362-72-8
1.Letërsia shqipe 2.Poezia
821.18 -1
PARATHËNIE
Poetja nga Elbasani Rajmonda Ndreko, vjen pas botimit të parë me poezi “A e di sa të dua”, me një tjetër vëllim me poezi të titulluar “Do dashuroj sa pa perënduar”.
Që në vëllimin e parë autorja dallohet për lirizmin në poezitë e dashurisë që janë dhe baza e krijimtarisë së saj. Madje edhe në titullin e vëllimit dallohet guximi i autores në përzgjedhjet e saj për të vargëzuar ato tema që shpesh janë tabu dhe sot.
Do ti veçoja disa vargje nga poezia “Do dashuroj sa pa perënduar”:
….Gjykimin lërja rrjedhës së jetës,
lërja Zotit,
Të “Madhit” ia pranoj gjykimin!
Dhe Parajsën,
Dhe Ferrin…
Ty jo, as ty..!
Do ti apo jo unë dashuroj;
Dashuro dhe ti…!
Nëse nuk do,
Lërna paqen tonë të prehet brënda vetes.
Do dashuroj deri sa dielli i viteve të mia,
të prehet pas horizontit të jetës…
Lermë në ke Zot..!
Lërna..!!
Kështu vjen Poetja Rajmonda përmes këtij vëllimi; e guximshme, e hapur, e çiltër, e pa parashikueshme në ato që hedh në letër dhe e saktë në vargun e lirë.
Korrekte në poezitë e rimuara me 4 dhe 8 rrokje ku rima në të lexuar i jep poezisë së saj një melodi sa dhe vetë nuk e kupton si lexues se brënda imagjinatës tënde atë çast, ke nisur të vallzosh.
Krijimtaria në këtë vëllim me poezi është e larmishme.
I shkruan jetës, prindërve, fëmijeve, fenomeneve të ndryshme sociale etj. Mendoj të mos e zgjas më këtë parathënie pët të mos e humbur dëshirën e lexuesit për të lexuar këtë vëllim poezish.
Ajo që dua të sjell si përmbyllje është se Rajmonda shkruan me shpirt. Çdo poezi ka diçka të sajën brënda vetes që e sjell aq bukur me figurat artistike që përdor dhe me metafora tejet të forta. Dhe për ta vërtetuar këtë që Rajmondës i shkruan shpirti i saj i bukur dhe i dhimshëm, po e përmbyll me dy a tre vargje nga poezia e shkruar për miken e saj: “Daisy”
….
Alooo ..!!
Unë do të jetoj akoma…!!
Dhe loti m‘u kthye në mjaltë….
….
Dhe unë po ua lë surprizë vazhdimin e përmbajtjes të këtij vëllimi.
Lexojeni dhe do mbeteni të surprizuar vërtet!
Niku Ramollari
