Dashuria është një feniks, digjet dhe rilind prej hirit të vetë…
Dashuria e sheh bukurinë edhe kur ajo nuk është e bukur çdo ditë, nuk do t’ia di nëse planetët errësojnë hënën tënde, por dëshiron të di nëse ka prekur qëndrën e dhimbjes tënde.
E gjithë kjo legjendë e hartës, kthen në realitet feniksin martir,që bëhet rruga jonë e historisë. Historia gris fletët e lumturisë pak e nga pak, shkruan me lot ditarin e kujtimit.
Loti nuk rri askund, por shkrihet në një trup me hullinë e shiut, ku nën sqetullën e qiellit, kjo arkitekturë udhëkryqesh bardhëson çdo ngjyrë në gjithçka, madje edhe vetë thellësinë e Oqeaneve. Koha, një lavjerrës moti, vajton për shoqërinë që e humbi. Shoqëria që nuk qëndroi bashkë me dashurinë. Dashuria nuk do fjalë, mbledh lulet me ngjyrat më unike ku mund të ngjyros ëndrrën, i vetmi shtrat ku mund të qetësohem. Ftoj çudinë time të më bëj një zë të porta e çastit, mos u habisni o vite kundërshtarë, nuk mund të jetoj pa habinë dhe urrejtjen tuaj.
Më lodhi kjo rrugë, e shtruar me asfaltin e ankthit, frikës, pritjes… Zgjohem me sirtarin e kujtesës hapur dhe strehuar në të gjej “gënjeshtrën dashuri”. Të pres është e dhimbshme por edhe të harroj është e dhimbshme.
Koha e lumtur është e shkurtër, të mbledhësh të tilla momente në jetë, nuk bëjnë as edhe një javë, e megjithatë jeta është e bukur …
Titulli i librit: FENIX
Autor: Ersiljo Muçollari
Redaktore: Gerta Bandilli
Botues: Roland Lushi
Kopertina: Grafika ADA
Tirazhi: 200 kopje
Formati: 14 X 20
ISBN: 978-9928-326-52-2
Shtëpia Botuese “ADA”
Adresa: Rr. Mihal Grameno Pall.32 Ap.7
Cel: 068 22 190 16
Tiranë, shkurt 2021
Shtypur në shtypshkronjën e shtëpisë botuese ADA
Të gjithë librat e botuar te shtëpia botuese ADA gjenden në Bobliotekën Kombëtare
CIP Katalogimi në botim BK Tiranë
Muçollari, Ersiljo
Fenix : poezi & prozë / Ersiljo Muçollari
red. Gerta Bandilli. – Tiranë : Ada, 2021
80 f. ; 20 cm.
ISBN 978-9928-326-52-2
1.Letërsia shqipe 2.Poezia
821.18 -1
